Роб Клінкхамер працягне кар’еру ў менскім «Дынама»
33-гадовы канадскі форвард Роб Клінкхамер у новым сезоне будзе выступаць за менскае «Дынама». Пра гэта паведамляе «БІЗНЕС Online».
Сваю карʼеру ў КХЛ Клінкхамер пачаў менавіта ў Беларусі (2016/17), адкуль па ходу сезону-2017/18 перабраўся ў казанскі «Ак Барс», у складзе якога заваяваў Кубак Гагарына. Сезон-2019/20 хакеіст правёў у омскім «Авангардзе», набраўшы 27 ачкоў (12+15) у 44 матчах рэгулярнага чэмпіянату пры паказчыку карыснасці +10.
20-гадовы амерыканскі форвард Іван Лодня перайшоў у менскае «Дынама» на правах арэнды на сезон-2020/2021. У мінулым сезоне Лодня набраў 62 (27+35) ачкі ў 41 гульні за «Ніягару» у OHL.
Аздрэн Лулаку пакінуў «Шахцёр»
Паўабаронца Аздрэн Лулаку пакінуў «Шахцёр». Кантракт з гульцом скасаваны па пагадненні бакоў, паведамляе афіцыйны сайт салігорскага клуба. Лулаку правёў 16 матчаў за «Шахцёр», у якіх забіў 1 гол і зрабіў 4 галявыя перадачы. Пры гэтым албанец згуляў за «гарнякоў» толькі адзін поўны матч. Раней паведамлялася, што паўабаронца можа працягнуць карʼеру ў албанскім «Партызані».
Жодзінскае «Тарпеда» дасягнула дамоўленасці аб пераходзе нападніка Валерыя Гарбачыка на правах арэнды ў ФК «Ліепая» (Латвія). Тэрмін дзеяння арэнднага пагаднення – да канца бягучага сезону. Пра гэта паведамляе сайт «бела-чорных». У сезоне-2020 Гарбачык правёў у складзе жодзінцаў 16 гульняў вышэйшай лігі, адзначыўшыся пяццю галамі і трыма выніковымі перадачамі.
За год да старту Алімпіяды ў Токіа кваліфікацыйныя нарматывы выканаў 71 беларусаў
За год да старту летніх Гульняў XXXII Алімпіяды ў Токіа кваліфікацыйныя патрабаванні выканаў 71 беларускі спартовец у 15 відах спорту, паведамілі ў аддзеле развіцця алімпійскага руху НАК. Зрэшты, гэтая колькасць не канчатковая. Неўзабаве адборавыя турніры будуць адноўленыя і працягнуцца да чэрвеня 2021 года. Беларускія спартоўцы плануюць заваяваць каля 100 алімпійскіх ліцэнзій.
Мірча Лучэску ўзначаліў кіеўскае «Дынама»
Мірча Лучэску ўзначаліў кіеўскае «Дынама». Пра гэта паведамляе прэс-служба клуба. У заяве на афіцыйным сайце кіяўлян гаворыцца, што кантракт з 74-гадовым румынскім спецыялістам заключаны на два гады з магчымасцю падаўжэння яшчэ на адзін год. Лучэску вядомы па працы ў іншым украінскім клубе, данецкім «Шахцёры», які ўзначальваў з 2004 па 2016 гады.
Фанацкая супольнасць кіеўскага «Дынама» выказалася адносна прызначэння галоўным трэнерам каманды Мірчы Лучэску: «Прызначэнне трэнера, які неаднаразова некарэктна выказваўся ў адрас« Дынама », – гэта плявок у вочы ўсім заўзятарам «Дынама». На дадзены момант мы звяртаемся да ўсіх работнікам «Дынама», у якіх засталася хоць кропля самапавагі: усё, што вам застаецца ў цяперашняй сітуацыі, – напісаць заяву на звальненне».
Беларускае Радыё Рацыя
Фота: belarushockey.com
Глядзіце таксама
