Шымановіч упершыню выйшла ў асноўную сетку „Ралан Гарос”



Беларуская тэнісістка Ірына Шымановіч упершыню выйшла ў асноўную сетку адкрытага чэмпіянату Францыі.

У вырашальным паядынку за трапленне ў лік 128 удзельніц другога ў сезоне турніру серыі „Вялікага шлема” беларуска перамагла японскую тэнісістку Маі Хонтаму – 6:2, 3:6, 7:6. Раней дзве беларускія тэнісісткі не змаглі пераадолець кваліфікацыйны бар’ер – Вольга Гаварцова выбыла пасля першага раунда, а Крысціна Дзмітрук зачахліла ракетку ў другім. У мужчынскім турніры Ягор Герасімаў пацярпеў паразу ў стартавым кваліфікацыйным паядынку.

Такім чынам, на French Open-2023 Беларусь, акрамя Ірыны Шымановіч, прадставяць Арына Сабаленка, Вікторыя Азаранка, Аляксандра Сасновіч і Ілля Івашка. Турнір пройдзе з 28 траўня па 11 чэрвеня.

Пунтус пакінуў пасаду галоўнага трэнера „Нафтана”

Беларускі спецыяліст Юрый Пунтус пакінуў пасаду галоўнага трэнера „Нафтана”. Настаўнік расказаў пра гэта pressball.by. Пунтус узначаліў каманду ў міжсезонне, перабраўшыся ў Наваполацк з „Макслайна”.

„Нафтан” у вышэйшай лізе пацярпеў пяць паразаў запар. Каманда займае 11-е месца ў табліцы з пяццю баламі ў дзевяці сустрэчах.

Іньеста пакіне „Вісэл Кобэ” ў ліпені

Японскі „Вісел Кобе” аб’явіў аб маючым адбыцца сыходзе Андрэса Іньесты. 1 ліпеня 39-гадовы экс-хаўбек „Барселоны” правядзе апошні матч за японскі клуб — супраць „Кансадолі Сапара”. Іньеста выступае за „Вісэл Кобэ” з 2018 года, стаўшы ў яго складзе ўладальнікам Кубка (2019) і Суперкубка Японіі (2020).

Лідары зборнай Беларусі выступяць на лёгкаатлетычным турніры ў Цверы

Лідары зборнай Беларусі – Ірына Жук, Анастасія Мірончык-Іванава і Мацвей Волкаў – выступяць на лёгкаатлетычным турніры Athletics League у Цвяры.

„Сёлета наш турнір упершыню набудзе статус міжнароднага. У Цвер збіраюцца прыехаць вядучыя лёгкаатлеты Беларусі. Размова ідзе аб скакунах з шостым Ірыне Жук і Мацвеі Волкаве, а таксама аб прызёры чэмпіянату свету ў скачках у даўжыню Анастасіі Мірончык-Івановай. Таксама ў Цвяры плануе выступіць бронзавы прызёр чэмпіянату Беларусі ў скачках у даўжыню Арцём Гурын”, — прыводзіць ТАСС словы дырэктара турніру Athletics League Рамана Маранкова.

Турнір Athletics League пройдзе 12 чэрвеня.

Беларускае Радыё Рацыя