«Тарпеда-БелАЗ» і «Шахцёр» прайшлі ў чвэрцьфінал Кубка Беларусі
У розыгрышы футбольнага Кубка Беларусі вызначыліся першыя ўдзельнікі чвэрцьфінальнай стадыі. У Рэчыцы футбалісты жодзінскага „Тарпеда-БелАЗ” упэўнена перайгралі мясцовы „Спутнік”, які выступае ў першай лізе нацыянальнага першынства з лікам 4:1. З такім жа лікам салігорскі „Шахцёр” перамог на выездзе футбалістаў „Слуцка”. Яшчэ тры сустрэчы 1/8 фіналу адбудуцца 3 верасня: „Гарадзея” сустрэнецца з дзяржынскім „Арсеналам”, „Крумкач” згуляюць з „Іслаччу”, а берасцейскі „Рух” пазмагаецца з „Мінскам”. У нядзелю, сталічны „Энергетык-БДУ” прыме гасцей з „Віцебска”, а ў Мазыры мясцовая „Славія” згуляе з гарадзенскім „Нёманам”.
Два голы з пенальці – сталічнае «Дынама» перамагло «Смалявічы»
Футбалісты менскага „Дынама” абыгралі „Смалявічы” з лікам 2:1 у перанесеным матчы 21-га тура чэмпіянату Беларусі. Абодва мячы на полі сталічнага стадыёна „Трактар” дынамаўцы забілі ў першай палове гульні з пенальці. На 25-й хвіліне лік адкрыў Яўген Шыкаўка, а праз 10 хвілін гол забіў Іван Бахар. У сярэдзіне другога тайма ў гасцей вызначыўся Аляксандр Джыгера.
„Маладзёжка” сабрала склад на гульні з кіпрыётамі і нарвежцамі
Трэнерскі штаб моладзевай зборнай Беларусі па футболе вызначыўся з канчатковым складам на кастрычніцкія матчы кваліфікацыі першынства Еўропы 2021. Настаўнік беларускай каманды Сяргей Яромка запрасіў на збор 23 гульцы. Сярод іх брамнік берасцейскага «Дынама» Павел Паўлючэнка, паўабаронцы берасцейскага «Руха» Арцём Канцавы, Дзяніс Грачыха і Алег Нікіфарэнка ды прадстаўнік берасцейскага «Дынама» Павел Сядзько, нападнік зноў жа з «Руха» Ягор Багамольскі. Каманда збярэцца 5 кастрычніка і будзе трэніравацца ў Менску. 9 кастрычніка ў Жодзіне беларусы згуляюць з кіпрскімі аднагодкамі, а затым адправяцца ў Драмэн, дзе 13 кастрычніка сустрэнуцца з нарвежцамі. Пакуль беларусы ў 7-й кваліфікацыйнай групе займаюць чацвёртае месца набраўшы 8 ачкоў пасля 6 гульня. Лідыруе зборная Нідэрландаў, у якой 16 ачкоў, у партугальцаў 12 балаў пасля 5 гульня, а ў Нарвегіі 10 пасля 7 згуляных матчаў. У фінальную стадыю маладзёжнага першынства кантынента выйдуць пераможцы 9 кваліфікацыйных груп і 5 лепшых каманд, якія занялі другія месцы.
Дубль Неймара дазволіў ПСЖ разграміць «Анжэ»
У матчы 6-га тура чэмпіянату Францыі „ПСЖ” дома разграміў „” Анжэ „- 6: 1, дамогшыся чацвёртай перамогі запар. Дублем у гаспадароў вызначыўся Неймар. Пасля гэтай перамогі парыжскі клуб выйшаў на другое месца ў турнірнай табліцы. „Анжэ” займае восьмую пазіцыю.
Сасновіч і Касцюк прайшлі ў чвэрцьфінал «Ралан Гарос»
На парыжскіх кортах „Ралан Гарос” працягваюцца матчы трэцяга ў сезоне тэніснага турніру серыі „Вялікага шлема” – адкрытага чэмпіянату Францыі. У 1/16 фіналу жаночага парнага разраду Аляксандра Сасновіч і ўкраінка Марта Касцюк адолелі ў трохсэтавым матчы бельгійска-расейскі тандэм Кірстэн Фліпкенс / Анастасія Паўлючэнкава – 6:3, 4:6, 6:2.
Пешыч выбраны ў сімвалічную зборную тура Лігі чэмпіёнаў
Галкіпер клуба „Мяшкоў Брэст” Іван Пешыч уключаны ў сімвалічную зборную трэцяга тура групавога этапу гандбольнай Лігі чэмпіёнаў,
Харвацкі брамнік чэмпіёнаў Беларусі выдатна правёў хатні паядынак з французскім клубам „Пары Сен-Жэрмэн” і дапамог мяшкоўцам перамагчы – 32:31.
У Менск створана хакейная школа імя Салея
У сезоне 2020/21 у Беларусі з’явіцца новая дзіцяча-юнацкая школа – СДЮШАР імя Руслана Салея, паведамляе sportclubminsk.by.
Новая арганізацыя – вынік зліцця двух сталічных школ – „Спартовага клуба” Мінск „і СДЮШАР Мінгарвыканкама.
СДЮШАР імя Руслана Салея будзе з’яўляцца самай буйной хакейнай школай у краіне, дзе навучацца хакею змогуць больш за 700 дзяцей розных узростаў. Нездарма новая арганізацыя будзе насіць імя аднаго з самых вялікіх хакеістаў Рэспублікі Беларусь. Руслан Салей – адзін з лепшых гульцоў у гісторыі беларускага хакея, капітан нацыянальнай зборнай, трагічна загінуў у авіякатастрофе 7 верасня 2011 г. Школа Руслана Салея – гэта даніна памяці вялікаму гульцу, імя якога будзе з гонарам насіць на сваіх джэрсі маладое пакаленне беларускіх хакеістаў.
„Лэйкерс” павялічылі перавагу ў фінальнай серыі з «Маямі»
„Лос-Анджэлес Лейкерс” перамог „Маямі” ў другім матчы фінальнай серыі плэй-оф Нацыянальнай баскетбольнай асацыяцыі (НБА). Сустрэча завяршылася з лікам 124: 114. Самым выніковым гульцом матчу стаў форвард „Лэйкерз” Леброн Джэймс, які набраў 33 ачкі. Дабл-дабл аформілі Энтані Дэвіс (32 ачкі, 14 падбораў) і разыгрываючы Рэджон Ронда (16 ачкоў, 10 перадач). У складзе „Маямі” Джымі Батлер набраў 25 ачкоў і зрабіў 13 перадач.
„Лэйкерз” павялі ў серыі з лікам 2-0. Клуб выйшаў у фінал плэй-оф упершыню за 10 гадоў.
Мэйвэзер хоча 300 мільёнаў за бой з Макрэгарам ці Нурмагамедавым
Былы чэмпіён свету па боксе Флойд Мейвезер-малодшы гатовы правесці бой-рэванш з байцом ММА Конарам Макгрэгарам ці чэмпіёнам UFC Хабібам Нурмагамедавым. Але за такі бой амерыканскі спартовец хоча атрымаць 300 мільёнаў даляраў.
Антон Разумоўскі, Беларускае Радыё Рацыя
