ВАДА правядзе новыя расследаванні ў дачыненні да расейскіх спартоўцаў
Спецыялісты Сусветнага антыдопінгавага агенцтва (ВАДА) на сустрэчы з прадстаўнікамі больш чым 60 міжнародных спартыўных федэрацый, Міжнароднага алімпійскага (МАК) і паралімпійскага (МПК) камітэтаў і шэрагам антыдопінгавых арганізацый распавялі пра дадзеныя допінг-тэставання, атрыманага з базы Маскоўскай антыдопінгавай лабараторыі, якой раней кіраваў Рыгор Родчанкаў, паведамляе прэс-служба ВАДА.
„Міжнародныя федэрацыі разам з ВАДА правядуць расследаванне. Мы будзем кансультаваць і дапамагаць федэрацыям у вывучэнні спраў. Хоць дадзеных з базы Маскоўскай антыдопінгавай лабараторыі можа быць недастаткова для таго, каб даказаць факт парушэння антыдопінгавых правілаў, аднак, яны могуць быць выкарыстаны разам з іншымі доказамі, што выкрылі парушэнне „, – заявіў дырэктар ВАДА па выведцы і расследаваннях Гюнтэр Янгер, словы якога прыводзіць прэс-служба.
„Дадзеныя з базы Маскоўскай лабараторыі разам з дакладам Макларэна і судова-медыцынскімі доказамі сістэмы Адамс дапамогуць пачаць новыя расследаванні, што можа прывесці да санкцый у дачыненні да спартоўцаў”, – дадаў ён.
Глядзіце таксама
