Вікторыя Азаранка адмовілася выступаць на Алімпіядзе
Беларуская тэнісістка Вікторыя Азаранка адмовілася выступаць у Токіо. Пра гэта яна паведаміла ў сваім Instagram.
„Я прыняла вельмі цяжкае для сябе рашэнне не браць удзелу ў Алімпійскіх гульнях у Токіо. У мяне шмат выдатных успамінаў, калі я выйгравала золата Алімпійскага турніру і прадстаўляла Беларусь на папярэдніх гульнях. Але нягледзячы на ўсе цяжкасці, з якімі мы сутыкаемся ў сувязі з пандэміяй, у глыбіні душы я ведаю, што гэта было правільнае рашэнне для мяне і маёй каманды Я з нецярпеннем чакаю Алімпіяду-2024 года ў Парыжы, каб прадстаўляць Беларусь! Жадаю ўсім спартоўцам бяспечных, здаровых і паспяховых гульняў”, – напісала тэнісістка.
На гэтай Алімпіядзе Азаранка павінна была гуляць у адзіночным разрадзе, а таксама ў пары з Арынай Сабаленка.
