Вікторыя „Ягелоніі”
Беластоцкая «Jagiellonia» перамагла шчэціньскую «Pogoń» у 1/16 Кубка Польшчы. Матч завершыўся вынікам 2:1. Мячы ў брамку «Pogoni» забілі Караль Сьвідэрскі і Пшэмыслаў Франкоўскі, а ў брамку «Jagielloniі» – Адам Фрончак.
Выдатна згуляў і ўкраінскі футбаліст Тарас Раманьчук:
– Добра, што мы выйгралі гэты матч і прайшлі далей. Трэнер падабраў малады склад дружыны, і я цешуся, што ў гэтым маладым складзе ў першай палове матча нам удалося паказаць такую добрую гульню. Прыкладам таму ёсць гол Караля. Наступная гульня будзе дома. Мусім рэабілітаваць сябе перад нашымі гледачамі і здабыць неабходныя пункты.
Чарговы матч у рамках Кубка Польшчы пройдзе 23 верасня. Ужо ў нядзелю ў Беластоку адбудзецца сустрэча з камандай «Ruch» (Хожуў) у рамках польскай экстралігі.
Беларускае Радыё Рацыя
Фота wspolczesna.pl
