Ягор Казлоў заваяваў бронзавы медаль чэмпіянату Еўропы па таэквандо
Беларускі таэквандыст Ягор Казлоў заваяваў бронзавы медаль чэмпіянату Еўропы па версіі Сусветнай федэрацыі таэквандо (WT), які праходзіць у Балгарыі. Спартовец, які выступаў у вагавай катэгорыі да 54 кг, на шляху да 1/2 перамог брытанца Джошуа Лонга і Любаміра Багданава з Балгарыі. У чвэрцьфінале адолеў ізраільцяніна Тома Пашкоўскі. У паўфінале Ягор Казлоў прайграў грэку Дзіонісасу Рапсаманікісу. Згодна з рэгламентам спаборніцтваў, спартоўцы, якія прайгралі ў паўфінальных баях, атрымліваюць бронзавыя ўзнагароды.
Ягор Шаранговіч дапамог „Нью-Джэрсі” перамагчы на выездзе „Бафала” ў матчы чэмпіянату НХЛ
У чарговым матчы рэгулярнага чэмпіянату НХЛ „Нью-Джэрсі” на выездзе перамог „Бафала” з лікам 6:3. Беларускі форвард гасцей Ягор Шаранговіч закінуў адну шайбу і аддаў дзве выніковыя перадачы. Шаранговіч правёў на пляцоўцы 19 хвілін 12 секунд, нанёс тры кідкі ў брамку, выйграў два з трох укідванні і зарабіў „+3” па сістэме „плюс-мінус”.
Ілля Лукашэвіч стаў гульцом „Спадарожніка”
Абаронца Ілля Лукашэвіч стаў гульцом рэчыцкага „Спадарожніка”. „Раней 22-гадовы абаронца выступаў за ФК” Мінск „, жодзінскае „Тарпеда”-БелАЗ і сербскі „Пралетэр”. Мінулы сезон правёў у складзе салігорскага „Шахцёра” і „Гарадзеі”. У „Спадарожніку” Ілля будзе выступаць пад 17-м нумарам. Жадаем поспеху ў нашым клубе!” – гаворыцца ў паведамленні прэс-службы „Спадарожніка”.
„Таронта” адлічылі трохразовага чэмпіёна НБА Патрыка Макоя
„Таронта” адлічылі атакавальнага абаронцу Патрыка Макоя (25 гадоў, 196 см). Баскетбаліст у гэтым сезоне прыняў удзел у 5 матчах, набіраючы 1 ачко ў сярэднім за гульню. Макой вядомы тым, што ў трох першых сезонах у НБА нязменна станавіўся чэмпіёнам лігі: двойчы з „Голден Стэйт” і адзін раз з „Рэптарз”.
Ян Каравай, Беларускае Радыё Рацыя
