Зборная Беларусі па хакеі абыграла Венгрыю на ЧС у Казахстане
Зборная Беларусі па хакеі абыграла Венгрыю з лікам 3: 1 у дывізіёне I на чэмпіянаце свету Нур-Султане (Казахстан).
У адрозненне ад матчу з літоўцамі, падапечныя Андрэя Сідарэнкі пастараліся дысцыплінавана згуляць у абароне. Упэўненасці беларусам надала і закінутая шайба на старце першага перыяду, аўтарам якой стаў Мікіта Феактыстаў. Венгры, нягледзячы на адчувальную падтрымку балельшчыкаў, перахапіць ініцыятыву не здолелі. Зборная Беларусі працягвала актыўна дзейнічаць каля брамы сапернікаў. Дакладны кідок на 30-й хвіліне нанёс Яўген Лісавец, завяршыўшы атаку, якую пачаў Яўген Кавыршын.
У трэцім перыядзе хакеісты Венгрыі часта выдаляліся і дазволілі Джэфу Плату рэалізаваць большасць – 3: 0. Вілмас Гала здолеў скараціць адставанне, рэалізаваўшы большасць, але на большае венграў не хапіла.
2 траўня беларусы гуляюць са Славеніяй. Пачатак а 13.00.
