Зборная Беларусі па хакеі перамагла Францыю ў матчы Еўравыкліку
Зборная Беларусі па хакеі перамагла Францыю ў заключным матчы Еўравыкліку з лікам 4:1 (1:0, 2:0, 1:1).
У першым матчы ў Бардо з французамі ў ходзе падрыхтоўкі да сусветнага форуму беларусы ўступілі – 1:3. У паўторнай гульні камандзе Дэйва Льюіса ўдалося ўзяць пераканаўчы рэванш. На апошнім рубяжы абароны Міхаіла Карнавухава змяніў Кевін Лаланд, які, верагодна, стане асноўным варатаром беларускай каманды на чэмпіянаце свету. На мінулы матч не былі заяўлены Яўген Лісавец і Дзмітрый Корабаў, а таксама нападаючыя Аляксандр Кулакоў, Сяргей Дрозд, Арцём Дзямкоў.
Лік на 10-й хвіліне матчу адкрыў Яўген Кавыршын, скарыстаўшыся перадачай Сяргея Касціцына. У другім перыядзе Андрэй Стась нанёс магутны кідок, з якім галкіпер французаў справіўся, але не зафіксаваў шайбу. Аляксандр Паўловіч, які паспеў на пятачок саперніка, запісаў гол у свой актыў. У хуткім часе Міхаіл Стэфановіч рэалізаваў колькасную большасць беларусаў – 3:0.
У заключныя дваццаць хвілін гульні буліт рэалізаваў у гаспадароў Саша Трэй – 3:1, а канчатковы лік, на 60-й хвіліне, устанавіў Шарль Лінгле – 4:1, на карысць гасцей.
Зборная Беларусі з Бардо пераязджае ў Парыж, дзе 5 траўня правядзе першы матч чэмпіянату свету ў групе супраць Фінляндыі (17.15). Далей беларуская каманда згуляе 6 траўня з Чэхіяй (17.15), 8 траўня – з Канадай (17.15), 10 траўня – са Швейцарыяй (17.15), 12 траўня – з Францыяй (21.15), 13 траўня сустрэнецца са Славеніяй (17.15), а завершыць выступленне ў групавой стадыі 16 траўня з Нарвегіяй (13.15). Група А (Швецыя, Расея, ЗША, Германія, Латвія, Данія, Славакія, Італія) згуляе ў Кёльне.
Чатыры лепшыя каманды з кожнай групы выйдуць у чвэрцьфінал сусветнага форуму.
