Зборная Беларусі здабыла першую перамогу ў адборы на Еўра 2017
Жаночая зборная Беларусі па баскетболе адолела ў другім матчы зборную Бельгіі з лікам 76:71 (26:22, 12:14, 23:16, 15:19).
Першая палова сустрэчы прайшла ў роўнай барацьбе і на вялікі перапынак каманды пайшлі пры ліку 40:38 на карысць беларусак.
Ключавой у гэтым матчу стала трэцяя чвэрць, у якой падапечныя Анатоля Буяльскага зрабілі рывок 10:0. У канцы матчу бельгійкі некалькі разоў падбіраліся да беларусак, але кожны разы наша каманда зноў сыходзіла ў адрыў.
Лепшай у беларусак стала Анастасія Верамеенка, якая адзначылася ў гэтым паядынку 24 ачкамі і 14 падборамі.
Становішча каманд у групе „G”:
1. Беларусь – 3 ачкі (2 гульні).
2. Польшча – 2 (1).
3. Бельгія – 1 (1).
