“Жыве Беларусь” – воклічы над “Барысаў-Арэнай”
Зборная Беларусі па футболе згуляла пад бел-чырвона-белымі сцягамі і пад воклічы “Жыве Беларусь!”.
У Барысаве беларусы распачалі адборачны цыкл да чэмпіянату сьвету 2018. Першым супернікам нацыянальнай зборнай сталіся віцэ-чэмпіёны Еўропы – французы.
Гульня сталася адметнай прысутнасьцю нацыянальнай сімволікі на трыбунах “Барысаў-Арэны”.
“Апошні год паказвае, што дзяржава пачала больш лаяльна ставіцца да Пагоні,” – гаворыць заўзятар Алесь Крот:
– Мы разам з сябрамі вырашылі звярнуцца да symbal.by, папрасіць у іх саколкі і адмыслова паехаць на матч зборнай Беларусі і зборнай Францыі. Хочам зрабіць невялікую справаздачу пасля і паказаць, што людзі не павінны баяцца прыходзіць з Пагоняй, не баяцца прыходзіць падтрымліваць сваю нацыянальную зборную.
Футбольны матч абыйшоўся без затрыманняў за наяўнасць сімволікі. Гульня скончылася нічыёй 0-0.
Наступны матч нацыянальная зборная правядзе сёмага кастрычніка супраць зборнай Нідэрландаў.
[youtube id=”4pg-4aa-fV8″]
Беларускае Радыё Рацыя
Фоты facebook.com/belavus
