14-ы Марш жывой памяці на вуліцах Беластока
У Беластоку прайшоў 14-ы Міжнародны марш жывой памяці Сібіры. Шэсце прайшло па вуліцах горада ад помніка ахвярам Катыні да Магілы невядомага сібірака.
Іван Арлюк з Саюза сібаракоў з Гародні:
– Гэта людзі, якія былі ў Сібіры, якія там нарадзіліся.
РР: А вы асабіста?
– Я асабіста быў вывезены ва ўзросце васьмі месяцаў.
Дэрыктар Інстытута нацыянальнай памяці ў Беластоку Барбара Баярын:
– Мы былі пад савецкай акупацыяй. Падчас савецкай акупацыі чатыры вялікія дэпартацыі не толькі палякаў, датычылі таксама беларусаў, датычылі таксама яўрэяў, пра што мы не заўсёды памятаем.
Галіна Зайко:
– Мы жылі ў вёсцы пад Гародняй, нас забралі ў 1950 годзе, нас прывезлі ў Іркуцкую вобласць, мы там жылі восем гадоў. Я была дзіцём, мы прыехалі ў такіх вагонах, у якіх вазілі кароў.
Акуліч Валянціна:
– Бацькі былі беларусамі, але ваявалі ў польскай Арміі Андэрса. Прыехалі і сказалі, што адна гадзіна на зборы і ўсё. Людзі не ведалі, як мая маці, што браць, пагрузілі ў цягнік і павезлі.
На ўрачыстасць з’ехаліся ўдзельнікі з розных куткоў Польшчы, а таксама замежжа. Сёлетні марш прайшоў пад лозунгам „Сібіракі-пераможцы з-пад Монтэ Касіна”.
Беларускае Радыё Рацыя
