2 красавіка ў Беластоку адбудзецца акцыя супраць размяшчэння расейскай ядзернай зброі ў Беларусі
20 гадоў таму
Беларуская Дыяспара Беластока запрашае на акцыю пратэсту СУПРАЦЬ размяшчэння расейскай ЯДЗЕРНАЙ ЗБРОІ ў Беларусі. Акцыя пройдзе ў нядзелю, 2 красавіка, а 13-ай гадзіне па адрасе вуліца Вольнай Беларусі, 9. Гэта насупраць консульства Рэспублікі Беларусь.
На думку арганізатараў акцыі, размяшчэнне расейскай ядзернай зброі гэта:
– канчатковая адмова Беларусі ад суверэнітэту,
– прамая пагроза жыццю і бяспецы насельніцтва Беларусі,
– доказ акупацыі краіны Расеяй,
– акт агрэсіі супраць незалежнай Беларусі.
Запрашаем на акцыю ўсіх тых, хто лічыць, што незалежнасць краіны – яе вышэйшая каштоўнасць, хто ўсведамляе важнасць суверэнітэту Беларусі для нас і, што яшчэ важнейшае, для нашых дзяцей! – гаворыцца ў абвестцы.
Беларускае Радыё Рацыя
