У Беластоку развітаюцца з Васілём Петручуком
У сераду, 23 студзеня, адбудзецца развітанне з беларускім пісьменнікам з Падляшша – Васілём Петручуком. Паніхіда пачнецца а 12-й гадзіне ў царкве прарока Іллі на беластоцкіх Дайлідах.
Аўтар біяграфічнай аповесці «Пожня» нарадзіўся ў 1926 годзе ў вёсцы Грабавец на Гайнаўшчыне. Сябра беларускага літаратурнага аб’яднання «Белавежа». Узнагароджаны польскімі ордэнамі Кавалерскі крыж ордэна Адраджэння Польшчы, Залатым Крыжам заслугі.
У польскім друку выступаў з шасцідзесятых гадоў мінулага стагоддзя. Першае апавяданне на беларускай мове надрукаваў у 1975 годзе ў тыднёвіку беларусаў у Польшчы «Ніва».
Памёр 19 студзеня на 93 годзе жыцця.
Беларускае Радыё Рацыя
