Адкрылася выстава „Археалогія Сакольскага рэгіёна”
Некалькі дзясяткаў экспанатаў можна паглядзець у Музеі Сакольскай зямлі. Тут адкрылася выстава „Археалогія Сакольскага рэгіёна”, якая падводзіла шматгадовыя археалагічныя працы на тэрыторыі Сакольшчыны.
На думку Галіны Карвускай з Падляшскага музея ў Беластоку, памежны рэгіён хавае істотныя таямніцы.
– Цікавае месца, напэўна. Бо мы знаходзімся на тэрыторыі памежжа, у месцы ўзаемаўплыву розных культур, людзей, ідэяў – усяго. Кожны наш экспанат каштоўны. Вельмі цакавая тэма – паселішчы Сярэднявечча. Кожная гістарычная дэталь – каштоўная. А для нас, музейшчыка, асабіста.
На выставе можна аглядаць экспанаты, знойдзеныя на тэрыторыі Сакольшчыны з усіх археалагічных эпох.
Выстава будзе працаваць да канца студзеня.
[Not a valid template]
Уля Шубзда, Беларускае Радыё Рацыя
Фота аўтаркі
