Акцыя па ахвяраванні школьных камплектаў Фондам „Беларускі Дом” і Ротары-клубам
Фонд „Беларускі дом” у Варшаве ласкава інфармуе аб кампаніі перадачы школьных камплектаў дзецям беларускіх бежанцаў і рэпрэсаваных, якія трапілі ў Польшчу за апошні год.
Разам з некалькімі аддзяленнямі Ротары-клуба мы арганізавалі кампанію па падрыхтоўцы маладых беларусаў да новага навучальнага года ў Польшчы. Для гэтага мы сабралі 220 школьных камплектаў, якія забяспечаць дзяцей усім неабходным для навучання. Мерапрыемства запланавана на нядзелю 22 жніўня ў г. 16:00 у будынку „Беларускага Дома” па адрасе вул. Kryniczna 6 у Варшаве. Больш за сто беларускіх дзяцей з бацькамі прымуць у ім удзел!
Рамачны план цырымоніі: 16:00 – 16:10 – Выступленне прадстаўнікоў пасольства Германіі ў Варшаве 16:10 – 16:20 – Выступленне прадстаўнікоў Ротары-клуба 16:20 – 16:30 – Выступленне прадстаўнікоў фонду „Беларускі дом” 16:30 – 17:00 – Раздача школьных прыналежнасцяў для дзяцей 17:00 – Фота
Мерапрыемства мае на мэце паказаць, што сем’і, якія былі вымушаны пакінуць Беларусь з меркаванняў бяспекі, не застануцца адны нават у эміграцыі, гаворка ідзе аб падкрэсліванні ролі салідарнасці з боку еўрапейцаў, у тым ліку грамадскіх арганізацый, а таксама прадстаўнікоў дыяспары ў Польшчы ў адносінах да сем’яў, якія ў цяжкай сітуацыі адаптацыі ў новай краіне могуць мець праблемы з падрыхтоўкай дзяцей да наведвання школы самастойна. Таму сардэчна запрашаем усіх прадстаўнікоў СМІ прыняць удзел у мерапрыемстве, каб паведаміць пра гэтую ініцыятыву і прыцягнуць увагу грамадскасці і польскага грамадства да становішча беларускіх бежанцаў у Польшчы.
Беларускі Дом у Варшаве
