Алег Латышонак: Праз беластоцкую турму прайшлі многія беларускія дзеячы
У Дзень Волі будынак Цэнтра ўтрымання ў Беластоку, альбо “Следчы арышт”, стаў цэнтрам увагі беларускай супольнасці.
Пра гістарычны будынак турмы, дзе былі зняволеныя беларускія дзеячы ў ХХ стагоддзі, распавёў прафесар Алег Латышонак:
– Гэты будынак – турма яшчэ з царскіх часоў. Яна безупынна служыць кожнай уладзе. Але найгоршы яе перыяд – гэта час Другой сусветнай вайны. Кожны чарговы акупант тут трымаў і катаваў жыхароў гэтай краіны – і палякаў, і беларусаў. Пасля яшчэ раз турма мела значэнне палітычнай, за часам “Салідарнасці”, тут сядзелі таксама ўдзельнікі гэтага руху. Я сам тады сядзеў у гэтай турме.
Вядома таксама, што ў 1939 годзе ў будынку Цэнтра ўтрымання ў Беластоку быў закатаваны аўтар гімну БНР „Мы выйдзем шчыльнымі радамі” Макар Краўцоў.
Памятная шыльда ля будынку Цэнтра ўтрымання ў Беластоку па адрасе: вул. Каперніка, 21, даступная для ўскладання кветак і знічоў па наступных каардынатах:
https://www.google.com/maps/@53.1236654,23.1403272,84m/data=!3m1!1e3?hl=pl
Вольга Сямашка, Беларускае Радыё Рацыя
