Алесь Зарэмбюк: Патрэбныя праявы салідарнасці. Нас – большасць
Паказаць, што ніхто не забыты. Беларускі Дом у Варшаве зладзіў акцыю салідарнасці з палітвязнямі ў Беларусі.
Больш за 30 чалавек наведалі сядзібу арганізацыі, каб напісаць паштоўку зняволеным. Гаворыць старшыня Беларускага Дому ў Варшаве Алесь Зарэмбюк:
– Беларускаму грамадству сёння вельмі патрэбныя знакі салідарнасці, таму што толькі падчас праяваў салідарнасці, падчас акцый салідарнасці людзі разумеюць, што яны не адны такія, што нас такіх большасць. І такім чынам беларусы становяцца мацней, і могуць перамагчы гэты рэжым і дамагацца свабодных выбараў.
Сярод тых, хто напісаў лісты палітвязням, былі як беларусы Варшавы, гэтак і палякі, расейцы і нават бразіліец.
Цалкам матэрыял:
Адам Завальня, Беларускае Радыё Рацыя
