Аляксей Аўчыннікаў: Пашыраем экаведы сярод экспатаў
Беларускі экалагічны актывіст і журналіст Аляксей Аўчыннікаў ладзіць экалагічныя сустрэчы з актывістамі ў грузінскім Батумі.
Пра падрабязнасці такіх сустрэчаў распавядае Аляксей Аўчыннікаў:
–Мы праводзім экасустрэчы. Прыходзяць з Беларусі, Украіны, Расеі экаактывісты, якія намагаюцца нешта рабіць экалагічнае ў Батумі. Мы іх аб’ядноўваем, падтрымліваем ініцыятывы па экалагічных, кліматычных пытаннях, каб людзі разумелі больш пра гэта.
Па словах Аляксея, у перспектыве – супраца з грузінскімі экалагічнымі арганізацыямі:
-Мы называем яе – экалагічная ініцыятыва. І мы хочам зрабіць ТГ-канал, і магчыма сайт, на якіх будзе інфармацыя па экалагічных пытаннях, звязаных з Аджарыяй. Мы хочам выйсці на кантакт з грузінскімі экаактывістамі і экаарганізацыямі. У нас ужо ёсць задумкі як гэта зрабіць.
Аляксей упэўнены ў тым, што цягам часу арганізацыя можа выйсці на міжнародны ўзровень, дзе ўдзельнікамі будуць актывісты не толькі з Беларусі, але таксама і з іншых краін.
Беларускае Радыё Рацыя
