Амерыканскі гісторык Дэвід Голдфілд выступіць у беларускім хабе ў Варшаве

18 гадоў таму

Выдрукаваць Пракаментаваць (0) Падзяліцца

У Беларускім моладзевым хабе ў Варшаве адбудзецца лекцыя „Трансфармацыя амерыканскай палітыкі: што гэта значыць для нацыі і свету”.

Спрэчкі і супрацьстаянні ў палітычным жыцці характарызуюць амерыканскую дэмакратыю з моманту яе з’яўлення. Аднойчы яны прывялі нават да кровапралітнай грамадзянскай вайны.

Ці з’яўляецца цяперашні разлад ўсяго толькі працягам традыцыі палітычных рознагалоссяў ці ён прадвесціць больш сур’ёзны раскол у амерыканскім грамадстве?

Можна будзе даведацца на лекцыі амерыканскага гісторыка, прафесара Дэвіда Голдфілда! Ён з’яўляецца аўтарам шаснаццаці кніг, у тым ліку „Чорны, белы і паўднёвы: расавыя адносіны і паўднёвая культура” і „Баваўняныя палі і хмарачосы”. Абедзве гэтыя кнігі былі намінаваныя на Пулітцэраўскую прэмію. Зараз Дэвід Голдфілд — прафесар гісторыі ва ўніверсітэце Паўночнай Караліны ў Шарлоце.

Мова мерапрыемства: ангельская (будзе арганізаваны сінхронны пераклад- бярыце слухаўкі да вашых тэлефонаў).

Не прапусціце магчымасць разабрацца ў сучаснай палітычнай дынаміцы Злучаных Штатаў і яе ўплыве на ўвесь свет!

Для тых, у каго не атрымаецца далучыцца да мерапрыемства ў хабе, будзе ладзіцца трансляцыя на Youtube, падчас трансляцыі будуць субтытры на расейскай мове.