Анджэй Грыгарук ужо не з’яўляецца дырэктарам Бебжанскага нацыянальнага парка
У сераду 13 траўня міністр навакольнага асяроддзя вызваліў Анджэя Грыгарука з пасады.
Як паведамляе польскае радыё «Беласток», Анджэй Грыгарук не атрымаў абгрунтавання гэтага рашэння. Кіраўнік палітычнага кабінета міністра навакольнага асяроддзя Міхал Гзоўскі паведаміў:
– Рашэнне аб вызваленні Анджэя Грыгарука з пасады дырэктара Бебжанскага нацыянальнага парка было прынята пасля дэталёвага аналізу вынікаў кантролю супраць пажараў і праверкі па замове Міністэрства аховы навакольнага асяроддзя і ацэнкі дзейнасці кіраўніцтва.
Анджэй Грыгарук будзе афіцыйна працаваць тры месяцы, але ён вызвалены ад абавязку працаваць. Хутчэй за ўсё, у чацвер 14 траўня міністр прызначыць чалавека, які будзе выконваць абавязкі дырэктара парка. Анджэй Грыгарук з кастрычніка 2016 года быў дырэктарам Бебжанскага нацыянальнага парка; раней двойчы – намеснікам дырэктара парка, яго даўнім супрацоўнікам.
Бебжанскі нацыянальны парк – самая вялікая ахоўная тэрыторыя ў Польшчы, займае плошчу каля 59 тысяч гектараў. Там ёсць ласі і рэдкія віды птушак. У красавіку адбыўся самы вялікі пажар у яго гісторыі, які ахопліваў каля 5,5 тысяч гектараў забалочаных лугоў і лясоў.
Выратавальна-пажарная аперацыя доўжылася тыдзень і завяршылася 26 красавіка. Усяго ў ім узялі ўдзел прыблізна 1,5 тысячы. Прафесійных пажарных і добраахвотнікаў падтрымлівалі вайскоўцы тэрытарыяльнай абароны, службы паркавых і лясных гаспадарак, мясцовыя жыхары. Былі выкарыстаны самалёты і верталёты Дзяржаўных лясоў, паліцыі і СГ.
Расследаванне, у ходзе якога вызначаюцца прычыны і абставіны гэтага пажару, ініцыявала раённая пракуратура ў Беластоку.
Дырэктар Грыгарук устанавіў прыз у 10 000 PLN за ўказанне на падпал, таму што ён перакананы, што пажар з’явіўся ў выніку чалавечых дзеянняў. Потым да яго далучыліся кіраўнік гміны Штабін і прыватныя асобы. У цяперашні час гэтая сума дасягае 126 тысяч злотых.
Парк пад яго кіраўніцтвам таксама арганізаваў збор сродкаў на патрэбы ТСО, якія шмат дзён працавалі на пажары. Нарэшце, спецыяльна створаны рахунак сабраў каля 3,5 млн злотых з амаль 38 тысяч донараў. Грошы былі падзелены паміж 89 ТСО.
Паводле радыё «Беласток»
Глядзіце таксама
