Анлайн-канцэрт гурта The Boars
Абмежаванні, уведзеныя ў Польшчы ў сувязі з эпідэміялагічнай пагрозай, зрабілі карэкціроўкі ў працу культурніцкіх установаў Падляшскага ваяводства. Іх дзверы, прынамсі да канца года, зачыненыя для наведвальнікаў.
Падляшскі Інстытут Культуры ў Беластоку пайшоў насустрач сваім прыхільнікам і ўжо сёння а 20-й гадзіне запрашае да кампутараў фанатаў рок-музыкі. Адбудзецца анлайн-канцэрт гурта The Boars – пераможцы Rockowań 2019. Трансляцыя канцэрту адбудзецца на Юцюб-канале Падляшскага Інстытуту Культуры. Гледачы змогуць у ім удзельнічаць інтэрактыўна на платформе Zoom, дзякуючы якой гурт The Boars зможа бачыць публіку. Кажа арганізатар канцэрту Артур Шыдлоўскі:
– Малады гурт The Boars родам з Аўгустова і Сувалак, які заваёўвае сцэну не толькі ў нашым рэгіёне, выступіць у фармаце анлайн. Гэта будзе цікавостка як для фанаў, так і для ўсіх гледачоў нашага каналу, бо ўпершыню будзе мажлівасць удзелу для публікі ў такім канцэрце ў сеціве. А стане гэта магчымым праз платформу Zoom.
Анлайн-канцэрт рок-гурта The Boars пачнецца сёння а 20-тай гадзіне паводле польскага часу. Больш падрабязнасцяў і каардынаты знойдзем на інтэрнэт-старонцы Падляшскага Інстытуту Культуры.
Анна Шайкоўская, Беларускае Радыё Рацыя
Фота: pikpodlaskie.pl
Глядзіце таксама
