Анонс перадачы “З Падляшша родам”
У чарговай перадачы ў серыі “З Падляшша родам” нараджэнец Клюковічаў Юры Парфенюк запрашае ў падарожжа па вёсцы.
Тут некалі быў знойдзены скарб – амаль тысяча срэбных манет, датаваных ХІІІ-Х стагоддзямі. Тут і старажытнае гарадзішча (праўдападобна з рымскіх часоў), якое мясцовыя называюць крэпасцю, і драўляная сядзіба (дворэк) з двума пад’ездамі і аркадамі, праўда ўсё цяпер у заняпадзе.
У Клюковічах захавалася і некалькі каменных калодзежаў, якім ужо за 200 гадоў. Больш падрабязнасцяў пра гісторыю Клюковічаў у час вайны і пасляваенны перыяд слухайце ў бліжэйшую нядзелю ў перадачы “З Падляшша родам”.
Рэшткі калгаса ў Клюковічах
Поле, на якім быў знойдзены скарб (срэбраныя манеты VIII стагоддзя)
Месца былога гарадзішча (з рымскіх часоў) – крэпасць
Месца, якое называюць мясцовыя “Крывавае поле”
Найстарэйшая хата ў Клюковічах
Каменныя калодзежы (чатырох- і шасцікутныя), якім звыш 200 гадоў
Занядбаны дворэк (сядзіба) у Клюковічах
Святліца
Вясковыя крыжы
Былая школа з 1930 года
Валянціна Лаеўская, Беларускае Радыё Рацыя
