Беларусь узмацняе мяжу з Украінай
Па словах выконваючага абавязкі сакратара Рады бяспекі Рэспублікі Беларусь, на тэрыторыі Украіны распаўсюджваецца зброя, боепрыпасы, у тым ліку ў памежных абласцях і раёнах. У гэтай сітуацыі, сказаў ён, неабходна надаваць павышаную ўвагу бяспецы паўднёвых межаў.
Беларусь надае асаблівую ўвагу абсталяванню мяжы з Украінай, заявіў выконваючы абавязкі дзяржсакратара Рады бяспекі Беларусі Станіслаў Зась у эфіры беларускага тэлеканала АНТ.
[youtube id=”HiW5lvimk-Y”]
„Мы ўважліва сочым за тымі падзеямі, якія адбываюцца на тэрыторыі Украіны. На жаль, там тэндэнцыя негатыўная. За апошнія два гады праведзена вялікая праца па ўладкаванні гэтай мяжы. Гэта і дэмаркацыя, і нарошчванне нашых сіл на гэтым напрамку, і штодзённае абсталяванне ўчасткаў дзяржаўнай мяжы”, – сказаў Зась.
„Мы прымалі да ўвагі тыя падзеі, якія адбываюцца на тэрыторыі Украіны, – распаўсюджванне зброі, боепрыпасаў, у тым ліку ў тых абласцях і раёнах, якія мяжуюць з нашай краінай. Вядома, у гэтай сітуацыі мы павінны надаваць павышаную ўвагу бяспецы нашых паўднёвых межаў, мяжы на паўднёвым напрамку”, – дадаў ён.
Выконваючы абавязкі дзяржсакратара Рады бяспекі нагадаў, што працягласць дзяржаўнай мяжы Беларусі і Украіны складае 1084 кіламетры.
