«Беларуская літаратура Польшчы — учора і сёння» (абноўлена)
Сёлета Беларускае літаратурнае аб’яднанне „Белавежа” адзначае 60-годдзе ад заснавання. З гэтай нагоды 24 траўня пачынаецца пачнецца двухдзённая Міжнародная навуковая літаратурная канферэнцыя пад назвай «Беларуская літаратура Польшчы — учора і сёння». На ўніверсітэце ў Беластоку сустракаюцца літаратары і літаратураведы, каб пагаварыць пра дзейнасць літаратурнага аб’яднання „Белавежа”.
На думку Аксаны Данільчык з Саюза беларускіх пісьменнікаў , творчасць «белавежцаў», гэта неад’емная частка агульнабеларускай літаратуры.
— Літаратура яна развівалася самастойна і адпаведна можна параўнаць з развіццём літаратуры метраполіі. Гэта безумоўна спрыяла ўзбагачэнню і аднаго і другога боку, хоць стасункі паміж імі былі не заўсёды простыя.
Доктар Катажына Савіцка-Межыньска, Універсітэт у Беластоку:
— Нельга сказаць, што гэта нейкі анклаў дзе галоўнае толькі выжыванне беларускай культуры і мовы. Бо калі ўзяць скажам паэзію Яна Чыквіна, дык яе спакойна можна супастаўляць з літаратурнымі з’явамі, якія тады мелі месца.
Старшыня аб’яднання „Белавежа” Ян Чыквін:
— Гэта такім чынам спалучылася, што юбілей і літаратуразнаўчая канферэнцыя ствараюць нейкае адно цэлае. Літаратураведы прыязджаюць і будуць чытаць свае даклады пра белавежцаў. І гэта паказвае, што беларуская літаратура Польшчы мацней і часцей упісваецца ў беларускі кантэкст літаратуры.
Першым старшынёю „Белавежы” быў Георгій Валкавыцкі, шматгадовы галоўны рэдактар беларускага штодыднёвіка „Ніва”. З аб’яднаннем „Белавежа” звязаныя такія постаці, як Надзея Артымовіч, Аляксандр Баршчэўскі (Алесь Барскі), Віктар Швед, Юры Баена і іншыя. „Белавежа” выдае літаратурны альманах „Тэрмапілы”.
Канферэнцыя праходзіць ў актавым зале філалагічнага факультэта Беластоцкага універсітэта.
Поўную гутарку з Янам Чыквіным слухайце ў далучаным гукавым файле:
Уля Шубзда, Беларускае Радыё Рацыя
Глядзіце таксама
