Беларусы працягваюць актыўна валанцёрыць на ўкраінска-польскай мяжы
Беларусы працягваюць актыўна валанцёрыць на ўкраінска-польскай мяжы. Караліна Цярэнцьева – чарговы таму прыклад.
У свой час дзяўчына вымушана была пераехаць з Віцебска ў Кіеў. Там яна заснавала Беларускі Хаб. Калі ж пачалася вайна, актывістка рэлакавалася ў Польшчу, дзе стала дапамагаць бежанцам.
“Немагчыма сядзець без справы і рабіць выгляд, што нічога не адбываецца, калі ідзе вайна”, – кажа Караліна Цярэнцьева.
– Вельмі важна дапамагаць людзям. Асабліва калі яны знаходзяцца ў цяжкой сітуацыі. Плюс, мне добра, што я ведаю беларускую, укріанскую, рускую, польскую мовы, крыху ангельскай. У гэтым плане я ўніверсальны баец.
Цяпер Караліна валанцёрыць у Пшымыслі. Але дзяўчына верыць, што аднойчы ўсё ж зможа вярнуцца дадому.
Марына Савіцкая, Беларускае Радыё Рацыя
