Беларусы ў Беластоку: Разам з украінцамі лічым кожны падбіты расейскі танк
Ля гарадской ратушы прайшла дэманстрацыя салідарнасці «Украіна, мы з табой!», арганізаваная моладзевымі і жаночымі актывістамі горада.
У адкрытасці, салідарнасці, мабілізацыі і гатоўнасці дапамагчы, як украінцам, так і беларусам, прызналася арганізатарка мерапрыемства, Сафія Станкевіч:
-Гэта акцыя салідарнасці з жыхарамі Украіны, якія засталіся там, і якія зараз прыязджаюць у Польшчу. Мы ўсведамляем, што агрэсарам з’яўляецца дыктатар, а не людзі. І мы не лічым беларусаў і беларусак агрэсарамі.
Прысутныя на дэманстрацыі беларусы таксама падзялілся тым, як перажываюць за сыход вайны ва Украіне, якая важная і для далейшага лёсу Беларусі:
-Там дзяўчынка ў Мелітопалі сядзіць ужо трэці дзень у падвале. Тэлефаную ёй, імкнуся падняць ёй настрой. А ў самога слёзы на вачах.
-Прыехалі сюды, збеглі ад рэжыму Лукашэнкі. Схаваліся тут.
-У мяне ў Беларусі застаўся брат, і ён сказаў, што калі яго прызавуць у армію, любымі шляхамі збяжыць і будзе ваяваць за Украіну.
Падчас дэманстрацыя салідарнасці «Украіна, мы з табой!» на гарадской плошчы сабралася каля 60 чалавек. Над горадам луналі ўкраінскія, польскія і беларускія сцягі пад гукі гімну Украіны.
Беларускае Радыё Рацыя
