Беларусы Варшавы адзначаць Дзяды
1-га лістапада беларусы Варшавы адзначаць свята памінання продкаў Дзяды. У гэтым годзе арганізатарам свята стала варшаўская суполка партыі БХД.
Кажа сябра партыі Алена Янушкоўская:
-1 лістапада – у Дзень Усіх Святых у Польшчы – мы ладзім акцыю «Дзяды». Традыцыйна, так, як у Беларусі, як мы хадзілі ў Курапаты. Запрашаем усіх на плошчу Пілсудскага ў 14 гадзін. Адтуль мы пойдзем да помніка Адаму Міцкевічу, далей – на плошчу Замкавую, дзе адбудзецца заключная частка.
Беларусы адзначаюць Дзяды ў Варшаве з 2004 года. Усё пачыналася з таго, што некалькі чалавек проста ішлі на могілкі да беларускіх дзеячаў.
Цяпер гэта стала традыцыяй. Памяць продкаў – гэта важны складнік нацыянальнай свядомасці.
Беларускае Радыё Рацыя
