Беласток салідарны з Украінай

таму

Выдрукаваць Пракаментаваць (0) Падзяліцца

Ля Генеральнага консульства Беларусі ў Беластоку прайшоў мітынг супраць агрэсіі Расеі на тэрыторыю Украіны. У ім прыняло ўдзел больш за 100 чалавек. Сярод прысутных было шмат беларусаў, украінцаў, палякаў.

Прагучаў гімн Украіны.

Арганізатар акцыі Ян Абадоўскі выказаў словы пратэсту самой вайне і наступу на Украіну, у ты ліку з тэрыторыі Беларусі.

Працуе вольны мікрафон: выступоўцы не вераць у тое, што адбываецца. Беларускі народ не мог і не павінен быў дапусціць, каб з тэрыторыі Беларусі, Расея наносіла ўдары па Украіне.

Гучыць заклік да расіянаў выходзіць на вуліцы і пратэставаць супраць вайны.

Людзі крычаць: „Смерць расейскім акупантам!”.

Прысутныя таксама трымаюць плакаты за вывад войскаў і нават партрэт Дудаева, бо праводзяць паралелі з Украінай і Чачэніяй.

Усе згодныя з тым, што лёс Беларусі вызначаецца менавіта падчас вайны, развязанай Расеяй ва Украіне.

Прысутныя чытаюць малітву „Ойча наш” на украінскай мове.

Колькасць удзельнікаў перавысіла 100 чалавек.

Госць акцыі Антон з Украіны запэўніў, што час кветак для шчытоў сілавікоў скончыўся.

Удзельнікі акцыі крычаць у напрамку консульства Беларусі ў Беластоку : „Забойцы!!!”.

Людзі не жадаюць, каб паміралі людзі, каб іхныя целы ляжалі на зямлі ў сучасным свеце. Пуцін і Лукашэнка загуляліся ў палітыку, і свет павінен супрацьстаяць гэтаму!

Усе жадаюць хутчэйшага міру і каб расейскі рэжым атрымаў па заслугах за сваё злачынства супраць чалавечнасці.

Выступоўцы расказваюць, як цэлы дзень сочаць за навінамі і перажываюць за украінцаў. Ніхто не разумее дзеянні Пуціна і Лукашэнкі, які ўводзяць народы ў вайну, аб якой ніхто ніколі не думаў. Беларусаў штучна ўцягваюць у вайну з суседзямі і падвяргаюць беларускія гарады пагрозе абстрэлаў.

Выступоўцы просяць прабачэння за тое, што дапусцілі такую ўладу, якая напала на Украіну і ўвогуле дапусцілі сітуацыю вайны ў сённяшнім свеце.

Перадаюць інфармацыю з Украіны: людзі маральна гатовы да вайны, не панікуюць. Але ў крамах ужо пустыя паліцы.

Вайна пачалася 8 год таму, калі Расея захапіла Крым.

Выступоўцы агучваюць інфармацыю пра тое, што эканамічныя інтарэсы перавышаць інтарэсы людзей. Патрэбны санкцыі. Адмена SWIFT, эмбарга, спыненне перавозак беларускага лесу для Польшчы.