Беластоцкая літпрэмія імя Веслава Казанэцкага выходзіць у людзі
Яшчэ на гэтым тыдні пачнецца цыкл сустрэч, які будзе прапагандаваць у Польшчы ўзнагароду прэзідэнта Беластока імя Веслава Казанецкага. Аб ідэі ўзнагароды ў Кракаве, Уроцлаве, Гданьску і Лодзі раскажа сёлетні лаўрэат Міхал Ксёнжэк, які атрымаў узнагароду за кнігу «Дарога 816».
Першая сустрэча пройдзе 28 кастрычніка на Міжнародным кірмашы кнігі ў Кракаве.
„Прамоцыя сёлетняга 25-га ўручэння прэміі Казанецкага мае папулярызаваць сярод чытачоў і творцаў ідэю ўзнагароды, а таксама горад Беласток,” – кажа віцэ-прэзідэнт Рафал Рудніцкі.
– З нагоды 25-годдзя заснавання ўзнагароды, вырашылі, варта выйсці да жыхароў усёй Польшчы і паказваць, што такая ўзнагарода ёсць у Беластоку. Кніжка Міхала Ксёнжэка, які атрымаў у мінулым годзе шмат агульнапольскіх узнагарод, будзе у нашай справе добрым памочнікам.
Узнагароду імя Веслава Казанецкага ўручаюць аўтарам ды кнігам, звязаным з Беластокам і рэгіёнам Падляшша. Прэмію ў мінулым атрымлівалі – Міхась Андрасюк, Ігнат Крповіч, Ян Леаньчук, Уладзімір Паўлючук і інш.
Лукаш Леанюк, Беларускае Радыё Рацыя
Глядзіце таксама
