Бельск і Гайнаўка разам вырашаюць пытанне з бытавымі адкідамі
Бельск Падляшскі і Гайнаўка хочуць пабудаваць новыя пункты селектыўнага збору бытавых адкідаў.
Бурмістры Бельска Падляшскага Яраслаў Бароўскі і Гайнаўкі – Юры Сірак падпісалі дамову на супольную рэалізацыю інвестыцыі “Пабудова пунктаў селектыўнага збору бытавых адкідаў на тэрыторыі горада Бельска Падляшскага і горада Гайнаўкі”.
Паводле Яраслава Бароўскага, супольная заяўка ў Нацыянальны фонд аховы асяроддзя і воднай гаспадаркі стварае большы шанец атрымаць фінансаванне:
– Таму супольна, бо калі б стартавалі ў гэтым конкурсе асобна, а гэта конкурс агульнапольскі, ані Гайнаўка, ані Бельск Падляшскі не мелі б шанцаў, каб дастаць многа пунктаў і прайсці тыя кваліфікацыі. Калі мы гэта зробім разам, то разам будзем мець больш за 45 тысяч жыхароў і многа тон гэтага смецця ў суме, гэта дасць нам значна больш пунктаў.
Юры Сірак спадзяецца, што праект будзе адобраны камісіяй:
– Маем дзве магчымасці: або будзем рабіць гэта за свае грошы, было б гэта больш сціпла і будоўля расцягнулася б у часе, або трэба шукаць вонкавае фінансаванне і зрабіць пунт прафесійны, які будзе добра падыходзіць і для сёння, і на будучыню.
Кошт інвестыцыі складае 7,2 мільёна злотых. Нацыянальны фонд аховы асяроддзя і воднай гаспадаркі можа прафінансаваць праект нават у памеры 85%. Заяўкі можна складаць да 29 снежня.
[Not a valid template]
Давід Гайко, Беларускае Радыё Рацыя
