“Берасцейскія апавяданні пра габрэйскіх жыхароў” прадставяць у Владаве
“Берасцейскія апавяданні пра габрэйскіх жыхароў” прадставяць у межах фестывалю “Трох культур” у Владаве.
Пра гэта паведамляюць арганізатары мерапрыемства праз facebook падзею. Правядзе сустрэчу з гасцямі з Берасця Аляксандра Зінчук, якая пад час наведвання горада над Бугам пазнаёмілася з праектам Brest Stories Guide пра габрэяў горада:
— Гэта падрыхтавалі для нас сябры з Берасця. Мы будзем хадзіць прыкладаннем, якое яны зрабілі пра колішняе габрэйскае гета, вуліцамі, дзе жылі канкрэтныя любдзі. Крыху паслухаем тыя гісторыі ды будзем мець магчымасць і самі прыняць удзел.
Прадстаўляць і гаварыць пра праект Brest Stories Guide у Владаве будуць супрацоўніцы Прасторы тэатра Крылы Халопа Святлана Гайдалёнак і Аксана Гайко. Пачатак мерапрыемства 22 верасня ў 17:30 у малой сінагозе ў Владаве.
Мікола Ляшкевіч, Беларускае Радыё Рацыя, Берасце
