Часовая перашкода на мяжы
Цягам бліжэйшых дзён чакаюцца цяжкасці на пункце пропуску Баброўнікі–Бераставіца на польска-беларускай мяжы. Як распавяла Кацярына Здановіч з прэсавай службы польскай памежнай службы, гэта звязана з рамонтам моста на рацэ Свіслач, які спалучае памежныя пераходы ў Бераставіцы і Баброўніках.
– На памежным пераходзе ў Баброўніках пачаліся рамонтныя працы. Яны непасрэдна звязаны з мостам. Таму гэта паўплывае на прапускную здольнасць на гэтым памежным пераходзе як на польскім, так і на беларускім баку. Рух будзе пераменны. У звязку з гэтым памежная служба просіць узяць пад увагу такі факт і па магчымасці перасякаць мяжу праз іншыя памежныя пераходы.
Як адзначыла Кацярына Здановіч, рамонтныя працы маюць завяршыцца да 3 лістапада.
Анна Шайкоўская, Беларускае Радыё Рацыя
Фота radio90.pl
Глядзіце таксама
