Cустрэча з айцом Гаўрыілам у Хітры
У вёсцы Хітра, што на Гайнаўшчыне, адбудзецца сустрэча з айцом Гаўрыілам са скіта ў Адрынках. Мерапрыемства ладзіць Фонд “Яны гэта мы”. Гэта ўжо чарговая сустрэча з айцом Гаўрыілам, якая праводзіцца па ініцыятыве войта гміны Гайнаўка і мясцовых жыхароў. Раней такое мерапрыемства адбылося ў вёсцы Навасады. Кажа старшыня фонду “Яны гэта мы” Наталля Герасімюк:
– Бацюшка Гаўрыіл вельмі любіць сустракацца з людзьмі. Пры нагодзе паказвае фільмы, якія паўсталі на беларускім і польскім тэлебачанні і распавядаюць пра скіт у Адрынках. Такая сустрэча – добрая нагода, каб людзі прыгадалі пра айца Гаўрыіла, а той змог пагутарыць з імі пра тое, што ў іх ляжыць на сэрцы, абмяняцца думкамі.
Сустрэча з айцом Гаўрыілам са скіта ў Адрынках з жыхарамі вёскі Хітра пачнецца 13 жніўня а 19 гадзіне.
Анна Шайкоўская, Беларускае Радыё Рацыя
Фота jerzypawleta.pl
Глядзіце таксама
