Да 60-годдзя літаратурнага аб’яднання “Белавежа”
Працягваюцца святкаванні 60-годдзя існавання літаратурнага аб’яднання „Белавежа”.
Другі дзень навукоўцы з розных краін абмяркоўваюць творчасць і дзейнасць “белавежцаў”. Навуковая канферэнцыя – гэта найлепшы варыянт, каб уганараваць такую арганізацыю, кажа прафесар Галіна Тварановіч:
– Тое, якая аўдыторыя аўтарытэтных даследчыкаў сабралася ў гэтыя дні, сведчыць пра прызнанне, пра цікавасць да “Белавежы”, да беларускага літаратурнага аб’яднання ў Польшчы. Мы мэтанакіравана абралі менавіта такую форму святкавання “Белавежы”.
Кніжкі “белавежцаў” выходзяць у арыгінале ў Менску і ў польскім перакладзе — у Варшаве. Паасобныя творы перакладзены на англійскую, італьянскую, нямецкую, рускую, сербалужыцкую, украінскую мовы. Некаторыя аўтары “Белавежы” таксама часам пішуць на гаворцы сваёй мясцовасці.
Двухдзённая канферэнцыя, прымеркаваная да юбілею „Белавежы”, завяршаецца сёння.
[Not a valid template]
Уля Шубзда, Беларускае Радыё Рацыя, Беласток
Глядзіце таксама
