Пачаўся цыкл сустрэч «Там па маёвай расе» (абноўлена)
На Падляшшы адраджаюць традыцыю велікоднага калядавання. У мясцовасцях Нарваўскай гміны хадзілі з валачобным. Пры гэтым спявалі адмысловыя песні перыяду першага тыдня пасля Вялікадня – агулькі. “Яшчэ некалькі дзясяткаў гадоў таму іх спявалі з першага дня Вялікадня,” – кажа Марыя Дымітрук з калектыва “Падляшанкі”:
– Бабы выходзілі на вуліцу і спявалі агулькі: “Ідзі, дожджык, у чужую стараною…” А на другі дзень рана хлопцы збіраліся, бралі кошык і выпраўляліся па валачобнае. Так яны ішлі ад хаты да хаты і спявалі “Свяціся, свяціся, новы Іерусалім”.
19 красавіка падляшска-палескія сустрэчы ў традыцыі “Там па маёвай расе” наведаюць мясцовасці ў гміне Мілейчыцы. Пачатак у вёсцы Мядвежыкі ў 14 гадзін.
[Not a valid template]
Давід Гайко, Беларускае Радыё Рацыя
Фота аўтара
* * *
Набліжаецца вядзенне вясновых карагодаў. Свой пачатак маюць чарговы цыкл Падляшска-палескіх сустрэчаў ў традыцыі «Там па маёвай расе».
Пра падрабязнасці звязаныя з мерапрыемствамі расказаў нашаму радыё Дарафей Фіёнік з Музея малай бацькаўшчыны ў Студзіводах:
– Пройдуць валачобныя карагоды – гэта даўні звычай, калі моладзь хадзіла па вёсках, спяваючы веснавыя песні. Мы сустрэнемся тут з палешукамі, тут у нас калектыў “Дараносіца” моладзевы з Хмелева і “Хмелеўскія валацугі” – дарослы. І таксама далучацца “Подляшанкі”.
Агулам цыкль XII Падляшска-палескіх сустрэчаў ў традыцыі «Там па маёвай расе» разам з чарговымі мерапрыемствамі будзе працягвацца да першай паловы траўня. А з суарганізатарам Дарафеям Фіёнікам размаўляў Мацей Рацінеўскі.
Мацей Рацінеўскі, Беларускае Радыё Рацыя
* * *
Беластоцкі цэнтр дапамогі студэнтам з Усходу сталі лаўрэатамі конкурса падляшскага маршалка „Адкрытае Падляшскае ваяводства”. Адмысловае журы абрала дзевяць асобаў і ініцыятываў, якія развіваюць і прасоўваюць Падляшша ня толькі ў Польшчы але і за мяжой.
Этнографа, стваральніка музея Дарафея Фіёніка вылучылі за паслядоўнасць у захаванні традыцыі Падляшша і супрацоўніцтва з беларускімі калектывамі і народнымі творцамі з Палесся.
Паводле словаў Дарафея Фіёніка, культура і традыцыя Падляшша і Палесся падзеленая штучнай мяжой:
– Мяжа палітычная – рэч штучная. Усімі магчымымі спосабамі мы павінны тую мяжу нівеляваць для таго, каб людзі знаходзілі паміж сабою як найбольш магчымасцяў сустрэч, каб маглі ажыўляць другіх сваімі талентамі, здольнасцямі – такімі нармальнымі адносінамі.
Узнагароду маршалка „Адкрытае падляшскае ваяводства” атрымаў таксама Фонд “Вакно на Усход” – за стварэнне цэнтра дапамогі студэнтам, якія хочуць вучыцца ў Беластоку.
Вылучэнне ад маршалка атрымаў Музей у Бельску Падляшскім за праект “Народны ручнік”, а таксама бортнік Пётр Піласевіч з Аўгустава, які захоўвае традыцыі пчалярства Вялікага Княства Літоўскага.
Лукаш Леанюк, Беларускае Радыё Рацыя
Глядзіце таксама
