Дзень Волі – Беласток: Андрэй Чарнякевіч у межах праекта «Кнігі без літар»
Беларуская нацыянальная меншасць з Падляшша і беларуская дыяспара ў Беластоку арганізуюць святкаванні 103-х угодкаў Акту 25 Сакавіка 1918 года.
Дзень Волі адзначаецца беларусамі ўжо ад стагоддзя і яднае нас усіх вакол незалежнай беларускай дзяржавы.
У сувязі з эпідэміялагічнымі абмежаваннямі прапануем першае мерапрыемства, прысвечанае гэтай гістарычнай, векапомнай падзеі.
Нядзеля 21.03.2021 15.00 польскі, 17.00 беларускі час. Сайт kamunikat.org
У гісторыі Беларусі было нямала падзей, значэнне якіх узрастае з бегам часу. Наўрад ці прымаючы 103 гады таму ў ноч з 24 на 25 сакавіка Дэкларацыю аб Незалежнасці Беларускай Народнай Рэспублікі бацькі-заснавальнікі беларускай дзяржаўнасці верылі, што ідэя настолькі распаўсюдзіцца ў масах, што праз пару гадоў у бой за яе пойдуць слуцкія сяляне, а пры канцы ХХ стагоддзя за незалежнасць Беларусі будуць галасаваць нават камуністы. Якую ролю ў гісторыі Беларусі адыгрываюць падзеі 1918 года? Чаму беларускія ідэолагі дагэтуль спрабуюць прынізіць вагу Дня Волі і БНР? І якое значэнне падзеі 103-гадовай даўніны адыгрываюць на фоне цяперашняй беларускай Рэвалюцыі Годнасці? Сярод іншага на гэтыя пытанні адкажа гарадзенскі гісторык Андрэй Чарнякевіч у межах праекта «Кнігі без літар».
Інтэрнэт-бібліятэкі Kamunikat.org
