Дзяніс Урбановіч: Застаецца надзея на беларусаў, якія ваююць
Лідар „Маладога Фронту” Дзяніс Урбановіч, пазыўны „Ваўкалак” з батальёна „Волат”, які абараняе Украіну з вясны 2022 года, лічыць, што зараз трэба займацца не стварэннем партый, рухаў і фондаў, а стварэннем нацыянальнага беларускага войска.
Беларусь і палітвязняў могуць вызваліць ад дыктатара і яго прыхвасняў толькі падрыхтаваныя вайскоўцы, кажа Дзяніс Урбановіч:
– Якім павінна быць войска ў Беларусі. Прафесійным. Адкрываць партыі, рухі, адкрываць мільён фондаў, а толку ад гэтага. Ды ніякага. Севярынца не вызваліць, Статкевіча не вызваліць. Застаецца надзея на тых беларусаў, якія могуць зайсці ў Беларусь і паспрабаваць вызваліць яе, то бок на ўсіх беларусаў, якія зараз ваююць. Каб нам гэта зрабіць, трэба больш людзей, ну і канешне набірацца больш досведу, каб мы аператыўна і прафесійна маглі абараняць беларусаў і вызваліць Беларусь.
Паводле Дзяніса Урбановіча, калі будзе пагроза Беларусі пасля ўсяго гэтага, каб мы сталі на абарону Беларусі. Бо калі мы пойдзем на Беларусь, пагроза для Беларусі будзе. Святлана Ціханоўская і яе світа не здольны на крокі менавіта ў гэтым накірунку.
Дзяніс Урбановіч ваюе ва Украіне з сакавіка 2022 года. Узнагароджаны медалём за баявыя заслугі ад Рады БНР. Медалямі ад ГУР і Міністэрства абароны Украіны.
Беларускае Радыё Рацыя
