Еўрапейскія дні спадчыны ў Орлі
Выбухы гарматаў, сутычкі жаўнераў Януша Радзівіла з сямнаццатага стагоддзя, спектакль і канцэрт. У Орлі інаўгуравалі Еўрапейскія дні спадчыны. Мерапрыемства праходзіць ужо 25-ты раз і мае на мэце паказаць гісторыю і культуру розных рэгіёнаў Еўропы.
Паводле войта гміны Орля Пятра Сельвесюка, мястэчку ў гэтым годзе споўнілася 510 гадоў. Праз гэтыя гады ў Орлі пражывала шмат розных культур, дадае Сельвесюк.
– У гэтай гміне пражывала беларуская нацыянальная меншасць, якая сёння дэ-факта з’яўляецца тут большасцю. Напярэдадні Другой сусветнай вайны больш за 70-80% насельніцтва складалі габрэі.
– Януш Радзівіл меў шмат наёмнікаў у сваёй арміі, звычайна са шведаў. І мы вырашылі рабіць строй і амуніцыю на шведскі манер, бо гэта цікава.
У час мерапрыемства гістарычную рэканструкцыю сутычкі войскаў правялі клубы «Газдава» з Бабруйска і «Рэгімент Януш Радзівіл» з Менска.
Еўрапейскія дні спадчыны праходзяць у гэтыя і наступныя выходныя.
[Not a valid template]
Лукаш Леанюк, Беларускае Радыё Рацыя, Орля
Фота аўтара
Глядзіце таксама
