ЕЗ абавязаў Польшчу плаціць па € 100 тыс. у дзень за высечку Белавежскай Пушчы
Суд Еўрапейскага звяза абавязаў улады Польшчы выплачваць штраф у памеры 100 тысяч еўра штодня да таго часу, пакуль польскі бок не спыніць высечку Белавежскай пушчы.
Паведамляецца, што згодна з рашэннем суда, Варшава мусіць неадкладна спыніць актыўнае лесакарыстанне ў Белавежскай пушчы. Адзначаецца, што выключэннем з правіла можа стаць толькі неабходнасць забеспячэння грамадскай бяспекі.
Пры гэтым, польскія ўлады заявілі, што высечцы ў Белавежскай пушчы падлягаюць каля 1,3 млн дрэў, заражаных караедам-тыпографам.
Эколагі ж патрабавалі даць рэліктавым лясам магчымасць самім справіцца са шкоднікам.
Нагадаем, што 28 ліпеня Суд Еўразвяза, разгледзеўшы пазоў Еўракамісіі да польскага ўрада, ужо пастанавіў неадкладна спыніць высечку дрэў.
Фота facebook.com
Глядзіце таксама
