Фестываль паэтычнай песні імя Булата Акуджавы: конкурсная частка
У Гайнаўцы пачаўся ІІ Міжнародны фестываль паэтычнай песні імя Булата Акуджавы “Вера, надзея, каханне”.
У мясцовым доме культуры прайшла конкурсная частка фестывалю. Сярод яе ўдзельнікаў таксама салісты і дуэты з Беларусі. “Творчасць Булата Акуджавы – ў маім сэрцы,” – кажа ўдзельнік конкурсу Вадім Мезецкі з Менска:
– Акуджава быў вельмі мудрым чалавекам. Былы франтавік, ён ненавідзеў вайну. Мудрасць у прастаце – гэта ёсць паэзія Акуджавы.
Конкурсныя песні праслухоўвала і ўдава паэта Вольга Акуджава. Гала-канцэрт пройдзе 11 ліпеня ў гайнаўскім амфітэатры. Пачатак а 19-й гадзіне.
[Not a valid template]
Давід Гайко, Беларускае Радыё Рацыя
Фота аўтара
