Фестываль “Спадарожнік над Польшчай” у Беластоку
Інваліды, тэрарызм, імігранты ды культурныя адрозненні. Гэтыя тэмы закранулі расейскія рэжысёры ў стужках, якія прэзентуе Фестываль “Спадарожнік над Польшчай”. Сёння ў Беластоцкім кінатэатры “Форум” можна пабачыць фільмы ў межах турнэ фестывалю. Мерапрыемства праходзіць увосень у Варшаве, але пазней у розных гарадах Польшчы адбываюцца паказы некаторых стужак, у Беластоку прадставяць 10 кінастужак – кажа Мацей Рант, дырэктар кінатэатра “Форум”.
– Стужкі закранаюць тэму працоўнай міграцыі ў крыху камічнай форме, але з трагічнымі элементамі, як, напрыклад, уцёкі з Масквабаду. У кінастужках раскрываецца тэма сучаснага тэрарызму, але паказаны і цікавыя звароты да Бога, да духоўнасці.
«Спадарожнік над Польшчай» у Беластоку працягнецца да 18 лютага. Кінааматары змогуць пабачаць навейшыя расейскія фільмы 2014-2015 гадоў, такіх вядомых рэжысёраў як Іван Вырыпаеў і Аляксандр Сакураў.
Радэк Дамброўскі, Беларускае Радыё Рацыя, Беласток
Фота poranny.pl
Глядзіце таксама
