Фестываль „Вера, надзея, каханне” ў Гайнаўцы
Папулярызацыя творчасці аднаго з найвялікшых бардаў ХХ стагоддзя – гэта адна з мэтаў ІІІ Міжнароднага фестывалю паэтычнай песні імя Булата Акуджавы у Гайнаўцы „Вера, надзея, каханне”.
Дзякуючы сяброўству з найлепшымі паэтамі Польшчы, у свой час вершы Акуджавы былі бліскуча перакладзены на польскую мову. Яны аказалі вялікі уплыў на культуру Польшчы, і запатрабаваныя па сённяшні дзень.
Кажа ўдава паэта, Вольга Акуджава:
– У сённяшнім свеце гэта такая рэдкасць, гэта так патрэбна, гэта так правільна, мудра. Толькі гэта трэба людзям сёння – рука да рукі, узяцца за рукі і быць разам, адчуваць добразычлівасць, камунікабельнасць, паблажлівасць, уменне прабачаць. Канешне такое цудоўнае мерапрыемства , усе пелі і заля была такой цудоўнай, мовы перамяшаліся. Я гляджу на гэта са здзіўленнем і бясконцай удзячнасцю.
Цягам наступных чатырох дзён ганаровыя госці фестывалю і пераможцы конкурснай часткі выступяць у Саколцы, Шэпетове, Любліне і Варшаве.
[Not a valid template]
Мілана Вераснёва, Беларускае Радыё Рацыя
