„Гайнаўскія дні царкоўнай музыкі 2019”
У сераду, 8 траўня, а 16-й гадзіне ў Саборы святой Троіцы пачаліся конкурсныя праслухоўванні XXXVIII Міжнароднага фестывалю „Гайнаўскія дні царкоўнай музыкі”.
У першы конкурсны дзень сваё майстэрства прадставілі 9 хораў з Польшчы і Беларусі.
* * *
У Гайнаўцы пачынаюцца конкурсныя слуханні фестывалю царкоўнай музыкі.
Напярэдадні фестываль быў урачыста адкрыты, на яго прыбыла шмат пачэсных гасцей. У іх ліку дзяржаўны сакратар прэзідэнцкай канцылярыі міністр Адам Квяткоўскі, еўрадэпутат прафесар Караль Карскі, падляшскі ваявода Багдан Пашкоўскі.
Падчас малітвы біскуп гайнаўскі Павел зачытаў зварот да гасцей і ўдзельнікаў фестывалю ад мітрапаліта Савы, дзе падкрэсліў важнасць фестывалю і падзякаваў прэзідэнту Польшчы Анджэю Дудзе за патранат над фестывалем.
Беларускае Радыё Рацыя
Фота festiwal.cerkiew.pl
