Гайнаўскія вязні стварылі спектакль
Вязні следчага ізалятара ў Гайнаўцы паказалі спектакль “Лодкі”. Гэта вынік іх мастацкага супрацоўніцтва з дырэктарам тэатру “Дэлікатэс” Віктарам Маліноўскім ды Фондам “Яны гэта Мы”, які вядзе працу з вязнямі ўжо дзесяты год.
Тэкст сцэнарыя, песні ды музыка былі створаныя самімі вязнямі.
Кажа дырэктар следчага ізалятара ў Гайнаўцы Раман Пашко:
– Для нас гэта вялікае ўражанне ўбачыць іх з другага боку, не толькі як пакараных. Яны як бы даюць сігнал, што хочуць мець шанец, нягледзячы на тое, што ў сваім жыцці рабілі кепскае, трапілі ў вязніцу, адбываюць кару, але хочуць паказаць, што яны застаюцца часткай грамадства і для іх гэта важна.
Вязні стваралі таксама птушкі-лампёны, якія сімвалічна былі выпушчаныя на волю. Адна з птушак – першая, якая паўстала ў рамках сусветнай акцыі “100 птушак”. Такія птушкі з’яўляцца яшчэ ў 99 мясцовасцях свету. Усе птушкі сустрэнуцца на Плошчы Свябоды ў Стакгольме.
[Not a valid template]
Давід Гайко, Беларускае Радыё Рацыя
Фота аўтара
