Галерэя „Аrsenal” запрашае на чарговую экскурсію па-беларуску (абноўлена)
Новы фармат дзейнасці, іншы і адначасова той самы глядач. Галерэя “Аrsenal” раскрываецца для беларускамоўнага гледача. Упершыню экскурсія па выставе “Палявыя даследванні” Хрыстафора Гарбачэўскага прайшла па-беларуску.
Кажа прамоўтар галерэі Магда Верамеюк:
– Наведвальнасць сённяшняй экскурсіі паказала, што беларускамоўныя зацікаўленыя ў такіх экскурсіях. З іншага боку мы спрабуем данесці тое, што адбываецца ў галерэі „Arsenal” з нашымі выставамі да шырэйшага кола людзей. Такія экскурсіі павінны служыць таму, каб пабудаваць адносіны з канкрэтнай групай людзей, у гэтым выпадку з беларускай меншасцю Падляшша і беларусамі, якія сюды пераехалі. Спадзяюся, што мы пабудуем такія адносіны.
Экскурсію праводзіла беларускамоўная экскурсавод, этнолаг, куратарка шматлікіх тэатральных фестываляў Ганна Лушчыньска.
“Палявыя даследванні” Хрыстафора Гарбачэўскага – гэта вельмі асабісты творчы дзённік, прысвечаны экафізіялагічнаму функцыянаванню чалавека ў свеце.
* * *
Экскурсія па выставе “Палявыя даследаванні” Кшыштафа Гарбачэўскага – гэта адна з першых сустрэч з сучасным мастацтвам у Беластоку, якая пройдзе на беларускай мове ў галерэі «Аrsenal».
Пра мэты выставы распавядае этнолаг, аніматар, куратар шматлікіх тэатральных фестываляў Ганна Лушчынская, якая будзе праводзіць сустрэчу:
– Ёсць дзве мэты ў гэтай экскурсіі: першая – даць магчымасць беларусам сустрэцца з сучасным мастацтвам, другая – адкрыць галерэю ў беларускім кантэксце. Гэта папросту істотны акт з боку галерэі, што яна пацвярджае важнасць беларускай мовы як кожнай іншай. Таксама няма адсутнасці, а ёсць толькі прысутнасць беларускай мовы ў гэтым горадзе, у гэтым рэгіёне, у гэтай частцы Сусвету.
Кшыштаф Гарбачэскі – тэатральны рэжысёр, аўтар “тэатральных інсталяцый” і спектакляў. Кожны наведвальнік будзе слухачом, гледачом, а таксама актыўным удзельнікам экскурсіі. Абапіраючыся на рэальныя факты, можна стварыць сваю ўласную гісторыю.
– У Гарбачэўскага важныя такія спалучэнні, як тэатр і мастацтва, спалучэнне візуальных і літаратурных аспектаў. І таксама вельмі істотнай часткай ёсць фантазія. Крыху можна сказаць пра яго творчасць: яна трошкі псіхадэлічная, на памежжы рэальнага і нерэальнага, ёсць тое, што можам пабачыць, пачуць, а рэшту трэба дадумваць.
На выставе можна пабачыць таксама творы іншых мастакоў, такіх як Анджэй Струміла, Ян Струміла, Настасся Вараб’ёва, Кароль Радзішэўскі. Значную частку экспазіцыі займае творчасць вялікага майстра і легенды сусветнага тэатра Юрыя Гратоўскага. Экскурсія па выставе па-беларуску адбудзецца ў галерэі “Аrsenal” 17 сакавіка а 16-ай гадзіне. Чарговая запланаваная на красавік.
Мілана Вераснёва, Беларускае Радыё Рацыя, Беласток
Глядзіце таксама
