Генконсульства Беларусі ў Беластоку прыпыніла працу
Генеральнае консульства Рэспублікі Беларусі ў Беластоку спыніла працу і прыём дакументаў.
Акалічнасці сітуацыі нашай журналістцы Вользе Сямашка паведамілі ў сакратарыяце:
– Не, прыём не ажыццяўляецца.
РР: У сувязі з чым гэта адбылося?
– Ну вы ж ведаеце ў сувязі з чым гэта адбылося.
РР: Калі можа аднавіцца прыём грамадзян і дакументаў?
– Мы не ведаем, калі можа аднавіцца. Калі няма консула на тэрыторыі консульства, то не могуць ажыццяўляцца консульскія дзеянні.
Па словах супрацоўніцы, на тэрыторыі Польшчы грамадзяне Беларусі могуць звяртацца ў Пасольства Рэспублікі Беларусь у Варшаве і Консульства Беларусі ў Бельску-Падляшскім.
Беларускае Радыё Рацыя
