Гіганцкая кантрабанда цыгарэт перахопленая на Падляшшы
Гіганцкая кантрабанда была выяўлена падчас сумесных мерапрыемстваў, якія праводзіліся ў Мазавецкім ваяводстве, датычных выяўлення нелегальных мігрантаў, якія хаваюцца ў прычэпах грузавікоў. Супрацоўнікі Памежнай службы і КАS спынілі дзве фуры для дарожнага кантролю.
Пры праверцы абодвух грузавікоў, якімі кіравалі грамадзянін Беларусі і грамадзянін Польшчы, высветлілася, што замест заяўленых вентыляцыйных прылад і цеплаізаляцыйных шчытоў у прычэпах ляжаць цыгарэты без польскіх акцызных марак.
У прычэпе грузавіка, якім кіраваў 30-гадовы грамадзянін Беларусі, было выяўлена амаль 520 тысяч пачак, у той час як у другім грузавіку, якім кіраваў 25-гадовы грамадзянін Польшчы, 768 тысяч пачак цыгарэт. Усяго ў абодвух прычэпах супрацоўнікі выявілі амаль 1 мільён 288 тысяч пачак беларускіх цыгарэт ацэначным коштам больш за 18 мільёнаў 200 тысяч злотых. Калі б нелегальныя тавары былі прададзены, казна страціла б больш за 29 мільёнаў злотых.
У дачыненні да вадзіцеляў грузавікоў пачата расследаванне, якое праводзяць супрацоўнікі Памежнай службы. Па рашэнні суда мужчыны былі часова арыштаваны на тры месяцы. Ім пагражае пазбаўленне волі на тэрмін да 10 гадоў.
