Гісторыя актывістаў: Яўгена, Змітра і Дзяніса
За скаргу на супрацьпраўныя дзеянні АМАП – крымінальная адказнасць: гісторыя беластоцкіх актывістаў Яўгена, Змітра і Дзяніса.
Яўгену пагражае тэрмін па сфабрыкаванай справе аб абразе прэзідэнта, а таксама каардынаванні раённых чатаў.
Зміцер Сіўко, актывіст, які змагаўся за прызнанне бел-чырвона-белага сцяга разам са Змітром Дашкевічам у Гародні, за ім сачылі, быў вымушаны ўцячы.
Зміцер Сіўко і Дзяніс Чашчавік
Дзяніс Чашчавік пасля 10-га жніўня трапіў у шпіталь, пазней напісаў скаргу на сілавікоў. Яго хацелі засудзіць на доўгі тэрмін, таму ён быў вымушаны выехаць:
– Мяне затрымалі 10-га жніўня, апынуўся ў шпіталі і таму з’ехаў.
Зміцер Сіўко:
– Збіраў подпісы ў Гародні за тое, каб наш бел-чырвона-белы сцяг і „Пагоню” прызналі гісторыка-культурнай каштоўнасцю. Заўважыў, што за мной сочаць, таму з’ехаў.
Яўген:
– Разам з жонкай раённы чат адміністравалі. У 20-х чыслаў верасня пачаліся затрыманні адмінаў раённых чатаў. У Беларусі пагражае крымінальная адказнасць за абразу прэзідэнта, цалкам магчыма за адміністраванне дэструктыўных тэлеграм каналаў.
Цяпер актывісты жывуць, працуюць і працягваюць займацца грамадска дзейнасцю ў Польшчы.
Францішак Цярэшка, Беларускае Радыё Рацыя
