Гмінны цэнтр культуры і спартовая пляцоўка – інвестыцыі гміны Орля
5,4 мільёна злотых будзе каштаваць новы Гмінны цэнтр культуры ў Орлі, пабудова якога ўжо пачалася. Працы падзеленыя на два этапы: да канца 2017 года мае быць завершаная пабудова, а ў верасні 2018-га цэнтр мае быць адкрыты.
«Цэнтр знаходзіцца непадалёк старога асяродка культуры і арлянскай бажніцы», – кажа войт гміны Орля Пятро Сэльвэсюк:
– Гэта будзе двухпавярховы будынак з падвалам. На першым паверсе будзе, вядома, уваход, гардэроб, зала для прадстаўленняў, тэхнічнае памяшканне. На другім паверсе – зала для сустрэч, залы для трэніровак гуртоў, а таксама пакоі дырэктара і працаўнікоў цэнтра.
Ёсць ідэя стварыць у Орлі Цэнтр беларускай нацыянальнай меншасці. Амаль завершаныя працы на “Лясным стадыёне” ў вёсцы Кошэлі, што непадалёк ад Орлі. Першыя матчы мясцовай каманды – гміннага спартовага клуба «Орля» – восенню.
[Not a valid template]
Давід Гайко, Беларускае Радыё Рацыя
Фота аўтара
Глядзіце таксама
